Ikaw ang aking tuwa--
ang mga hugis, tunog at kulay;
ang lahat ng pangamba –
ang gasgas, putikan at mabuway.
Ikaw ang aking kaluwalhatian
at kaganapan. Ang pagnanasa
sa matinik ngunit tiyak na lakbay;
ang pagbabalik loob sa sarili,
ang naratibo ng bawat digma,
ang tukso ng salbasyon at pagkandili
ng sagradong kamunduhan at himala.
Ikaw ang aking ligaya--
ang bawat pintig at paglikha;
Ikaw ang aking tuwa–
ang tula at mga pag-akda.
(Tarlac. January 16, 2010)
Walang komento:
Mag-post ng isang Komento