Takot.
Pilit na pagsasaya.
Atubiling pag-aalintana.
May bakod na
ang di-tiyak na landas
ng pagtalima sa di-kilalang gasgas
sa di-nakikitang lupa.
Bawat hakbangin
ay mga nakakasawang awitin;
paglalakbay
na may bahid ng
matinding pagkapit
sa kadilimang
nakayakap
sa munting sulong
aandap-andap.
Talos man
o hindi
ang paroroonan,
Walang magagawa
Maliban
sa bulag na pagtalima,
pakikipag-ulayaw nang pilitan
Sa kawalang-
katiyakan.
Masidhing kumampay;
Ang buhay
ay isang taksil
na
paglalakbay.
(October 14, 2009; Olongapo City)
Walang komento:
Mag-post ng isang Komento